СУГС „Димитар Влахов“

Драги ученици,
Во овие денови кога сите сме во нашите домови и не можеме да бидеме заедно во училишните клупи немојте да мислите дека ве заборавивме. Со овие пораки сакаме да ви покажеме дека многу ни недостасувате и со нетрпение очекуваме да заврши оваа ситуација и сите заедно да продолжиме со реализацијата на вашите соништа. Исто така ве потсетуваме на вредностите на вашето училиште. Во оваа прилика се обраќаме и до идните средношколци и ги повикуваме да се придружат и да бидат дел од нашето училиште бидејќи кај нас има соживот, разбирање, соработка и пред сè сите ние функционираме како едно големо семејство.
Наставата во нашето учуилиште се изведува на три јазици : македонски, албански и турски јазик. Имаме образовни профили со тригодишно траење како: фризер, естетичар за нега на раце и нозе, месопреработувач, печатар, доработувач на графички производи и со четиригодишно траење како: техничар за козметичка нега и убавина, прехранбен техничар и графички уредник – дизајнер.
Доколку одберете некој од овие занаети нема да погрешите бидејќи занаетот е непроценливо богатство кое ви го нудиме ние, наставниците од „Димитар Влахов“.
Дојдете на 16 и 17 јуни 2020 година и нека вашите соништа станат реалност.